Tak appina niður
Til iPhone - iPad - Android
Orðafrágreiðingar
Jesaja, kapittul 4
Reinsan og dýrd Zions
v2 Á tí degi skal gróðurkvistur Harrans verða til prýðis og dýrdar og ávøkstur landsins hábærsligur og dýrmætur fyri tey, sum komast undan í Ísrael. v3 Tá skulu leivdir Zions og tey, sum eftir eru í Jerúsalem, verða kallað heilag, øll tey, sum innskrivað eru til lívs í Jerúsalem, v4 um Harrin fær tváað óreinskuna av døtrum Zions og skolað burtur blóðsektina av Jerúsalem við revsidóms og reinsanar anda. v5 Tá skal Harrin skapa yvir hvørjum staði á Zions fjalli og yvir øllum fundarfólki har skýggj um dagin og royk og glampandi eldsloga um náttina, tí at yvir øllum, ið dýrd hevur, má skýli vera, v6 og leyvskáli skal vera til at skugga um dagin móti hita og líva og skýla móti glopraregni og skúrum.