Stuðla nýggju Bíbliuumsetingini
07.06.2019

Hvítusunnudag 9. juni, gongur talvan í flestu fólkakirkjunum kring landið, fyri Føroyska Bíbliufelagið.


Endamálið hjá Bíbliufelagnum er at geva út Bíbliuna, partar av henni og annað upprunað føroyskt og týtt tilfar, til allar aldursbólkar.


Arbeiðið hjá Bíbliufelagnum verður fíggjað við stuðli og gávum og tí er talvudagurin ein kærkomin fíggjarligur stuðul til virksemið hjá Bíbliufelagnum.


Innsavnaði peningurin komandi árini, fer serliga til nýggju umsetingina av allari Bíbliuni úr grundmálunum. Tað er Hans Jacob Joensen, frv. bispur, sum hevur latið umsetingina úr hondum. Nú verður tilfari lisið ígjógnum aftur og vóna vit at fyrsta nýggja bíbliuumsetingin í 60 ár kemur út í 2023.


Í 2017 kom fyrsta gerandisútgávan av Nýggja Testamenti “Nýggi Sáttmálin” (NS) út og hevur hann verið sera væl móttikin. Bíbliufelagið er eisini farið í holt við at endurskoða NS og ætlanin er at geva hann út aftur seint í 2020.


Partur av virkið Bíbliufelagsins, er eisini at stuðla bíbliuútgávum úti í heimi, so at tey, ið lítla ella onga atgongd hava til bíbliuna á sínum egna máli, kunna fáa henda møguleika.


Stuðul er seinast latin atsøktum kristnum í miðeysturi.


Bíbliufelagið er virkið á heimasíðuni www.biblia.fo og á Facebook. Eisini hevur felagið útgivið eina framúrskarandi bíbliu-app til snildtelefonir og teldlar.


Meiri fæst at vita um Bíbliufelagið á www.biblia.fo


Við vón um góðan fíggjarligan og andaligan stuðul...

 


• BankNordik 6460-382.873.7         • Betri Banki 9181-380.777.2
• Norðoya Sparik. 9865- 992.646.6 • Suðuroyar Sparikassi 9870-992.061.8


Føroyska Bíbliufelagið


Jógvan Fríðriksson                  Bergur D. Joensen                     Gunnar K Nattestad
forseti í Bíbliufelagnum         formaður í Bíbliufelagnum      aðalskrivari

 

Trýst her um tygum ynskja at stuðla Bíbliufelagnum við eini peningagávu.