Sunnudagin 14. februar kl. 11.00 verður ein øðrvísi gudstænasta í Sjóvar kirkju.
Tað verður Føroyska Bíbliufelagið ið kemur at mynda gudstænastuna.
Jógvan Fríðriksson, biskupur og forseti í Bíbliufelagnum prædikar og Símun Persson Jacobsen, sóknarprestur, hevur altartænastuna.
Bergur D. Joensen, formaður í Bíbliufelagnum og Ásbjørn Jacobsen, aðalskrivari, kunna um arbeiðið hjá Bíbliufelagnum.
Eftir gudstænastuna verður høvið at tekna seg sum lim í Bíbliufelagnum.
Øll eru hjartaliga vælkomin!
-----
Endamálið hjá Føroyska Bíblufelagnum er:
- at geva út Bíbliuna og partar av henni á føroyskum máli og at fáa Bíbliuna út,
- at skipa fyri at týða Bíbliuna ella partar av henni, at endurskoða verandi bíbliuútgávur, at geva út bíbilsku skriftirnar í øðrum útgávum enn teimum løggildu og annað viðkomandi tilfar,
- at fremja bíbliunýtslu, bíbliulesnað og bíbliukunnleika,
- at hava innsavningar og forlagsvirksemi,
- at umsita sambandið við útlendsk bíbliufeløg,
- at stuðla altjóða bíbliuarbeiði.
Sí myndir frá gudstænastuni og fundi í Bíbliustýrinum her.