Hermenn og vanlig fólk hava ofta eina Bíbliu í lummanum, sum eina áminning um trúgv og vón, hóast deyðin kann raka tey hvørja løtu. Ígjøgnum bæði Fyrra og Seinna Heimsbardaga var Bíbliulesnaður eitt lyfti um, at Gud var við, hóast alt tyktist vónleyst.

Ein troyst í myrkastu løtum

Tey, sum hava upplivað kríggj, siga ofta, at trúgvin hjálpti teimum at yvirliva. Í skotgravunum undir Fyrra Heimsbardaga lósu hermenn Bíbliuna fyri hvørjum øðrum. Í Seinna Heimsbardaga vóru mong, sum lógu í fongsullegum ella í krígsøki, sum funnu troyst í Sálmunum, í Jesu orðum um ikki at óttast, og í vónini um eitt ævigt lív.

Tað eru eisini søgur um fólk, sum í loyndum deildu Bíbliur við onnur, hóast tað kundi kosta teimum lívið, tí allur átrúnaður var bannaður.

At bera vón, hóast ófrið

Hóast ræðuleikarnar av kríggi, so hevur Bíblian eisini verið ein áminning um fyrigeving og frið. Eftir stórar kreppur hava trúgvandi ofta arbeitt fyri sátt og semju millum fíggindar. Ein av kendastu søgunum er jólafriðurin í 1914, tá týskir og bretskir hermenn løgdu vápnini í nakrar tímar og sungu jólaløg saman.

Í dagsins samfelag eru tað framvegis tey, sum bera Bíbliur inn í krígsherjað øki fyri at geva fólki vón. Hjá teimum, sum hava mist alt, kann Guds orð vera tað einasta, ið gevur meining í einum heimi, har alt kennist fullkomiliga meiningsleyst.

Niðurstøða

Kríggj vísir okkum tað ringasta í menniskjum, men trúgvin kann eisini frambera tað besta í okkum. At deila Bíbliuna mitt í ræðuleikanum í einum kriggi er ikki bert ein boðan av orðinum – tað er eisini eitt tekin um menniskjaliga samkenslu, troyst og vón um ein dag, tá friður aftur valdar.

Bíbliufelagið í Ukraina hjálpir

Neyðin í Ukraina er øgilig. Bíbliufelagið í Ukraina veitir hjálp og gevur fólki Bíbliur. Hetta verður gjørt í tøttum samstarvi við kirkjur og kristnar felagsskapir.

Fólk hava bráðfeingis tørv á hjálp, troyst og friði – og tað er gjøgnum Guds orð, at tey fáa hetta.

Lat okkum minnast til at biðja fyri fólkinum og Bíbliufelagnum í Ukraina.

Vit heita eisini á allar føroyingar at vera við til at hjálpa Ukrainska Bíbliufelagnum fíggjarliga.

Kontan til endamálið er: 9181-492.922.7
Minst til at viðmerkja: Ukraina.

Vit takka hjartaliga fyri allan stuðul!

Skrivað hevur: Ásbjørn Jacobsen