Hesar undirvísingarlegur, ið hava sínar røtur í kristnari trúgv, geva kvinnum eina djúpari fatan av Bíbliuni, samstundis sum tær læra grundleggjandi førleikar, ið kunnu bøta um teirra lívsgóðsku.

Ein nýggj byrjan fyri kvinnur

Fyri nógvar kvinnur í Kamerun hevur atgongdin til útbúgving og førleikamenning verið avmarkað. Samfelagsligar avbjóðingar, fátækradømi og vantandi møguleikar hava gjørt tað trupult hjá teimum at menna seg. Men bíbliuskeiðini, sum oftast verða skipað av kirkjum og trúboðarafelagsskapum, hava gjørt tað møguligt hjá kvinnum at samlast í einum tryggum umhvørvi, har tær ikki bara kunnu læra um Bíbliuna, men eisini fáa íblástur til at taka nýggj stig í lívinum.

Meira enn ein andalig uppliving

Skeiðini fevna ikki bert um bíbliulæru, men eisini um evnir sum lesi- og skriviførleikar, fíggjarstýring og smáíløgur, sum kunnu hjálpa kvinnum at gerast sjálvbjargnar. Harumframt fáa tær vegleiðing um heilsu og familjulív, sum kunnu styrkja bæði tær sjálvar og familjuna.

Ein kvinna, ið hevur luttikið á einum av hesum skeiðum, sigur: - Eg lærdi ikki bara um Guds kærleika, men eisini hvussu eg kann spara pengar og byrja mítt egna virki. Nú føli eg meg sterkari og betri fyrireikað til framtíðina.

Ein vón fyri framtíðina

Hesar lærugreinir hava longu givið úrslit. Nógvar kvinnur, sum hava gjøgnumført skeiðini, hava stovnað smá handilsvirkir, lært at lesa í Bíbliuni og givið teimum nýtt sjálvsálit. Tað vísir seg, at andalig menning kann ganga hond í hond við praktiska førleikamenning og geva kvinnum eina bjartari framtíð.

Við hesum átøkum verður vónin kveikt í hjørtunum á nógvum kvinnum í Kamerun, sum nú síggja eina betri framtíð fyri seg sjálvar og familjuna.

Kelda: Danska Bíbliufelagið/Nanna Endahl Jørgensen
Ásbjørn Jacobsen, umsetti