Nýggj Bíbliuapp frá Bíbliufelagnum

Bíbliufelagið kemur nú við nýggjari Bíbliuapp. Gamla appin til Android telefonir er ikki longur á GooglePlay og tað er bara ein spurningur um tíð, til tað sama hendir við IOS.

Ti valdi stýrið fyri Føroyska Bíbliufelagið at fara undir eina tilgongd at gera eina nýggja og meira tíðarhóskandi app. Tað er fyritøkan iSolveIT ApS við Andrasi Eliassen ið hevur ment appina.

Í nýggju Bíbliuappini er: Dahl/Viderø Bíblian (1961), Nýggi Sáttmálin (2009), Evangeliið eftir Matteus (JH Schrøter) og frágreiðing um Bíbliufelagið v.m.

Við Bíbliuappini kanst tú velja millum bíbliutýðingarnar, lesa og leita eftir orðum ella teksti, avrita vers/tekst, lita vers/tekst og broyta skriftstødd. Hetta er fyrsta útgáva og fleiri hentleikar vera í komandi útgávum.

Appin eitur Bíbliuappin á AppStore og á GooglePlay.

Hetta er fyrsta útgáva av appini, tí eru tit vælkomin við viðmerkingum og hugskotum. Skriva til aj@biblia.fo

Bíbliuappin er ókeypis at taka niður og brúka. Takk fyri stuðul til nýggju appina. Les meira...

Vegleiðing til nýggju appina

Trýst á myndirnar og tær verða størri.

Fleiri funkur við fleiri møguleikum koma so við og við.

Vel týðing	Vel bók	Vel kapitul, skriftstødd og leita.
Les tekstin. Blaða fram og aftur við pílunum	Vel skriftstødd	Trýst á "Meira". Vel skriftstødd og annað.

Nýggj Bíbliuapp frá Bíbliufelagnum.

Vegleiðing til nýggju appina