Hví bíbliulesiætlan?

Tað er ein avbjóðing hjá teimum flestu at lesa skipað í Bíbliuni. Men við bíbliulesiætlanini hava vit eitt hent amboð, sum kann lætta um dagligu avbjóðingia. Lesiætlanin er ein kalendari við útvaldum skriftstøðum til hvønn dag í árinum, og sunnudagar fylgja tekstarøðini í Fólkakirkjuni. Endamálið er at geva føroya fólki eitt amboð til skipaðan lestur í bíbliuni.

Øll hava gagn av at lesa Bíbliuna

Tað stendur øllum frítt at lesa Bíbliuna sum tær lystir. Tey flestu lesa helst einsamøll, meðan onnur lesa saman. Summi lesa frá byrjan til enda, og onnur í brotum. Í øllum førum er bíbliulestur ein kelda til lív, íblástur og uggan í tungum sum góðum døgum.

Lukas

Í ár hevur Bíbliulesiætlanin báðar bøkurnar frá Lukasi, Lukasar evangelium og Ápostlasøguna, sum miðpunkt, eins og hon eisini tekur skriftirnar úr Gamla testamenti við, sum Lukas endurgevur ella vísir til. Og so hava vit eisini teir báðar stóru kongarnar í Ísraels søgu, Dávid og Salomon, við.

Nýggja Bíbliulesiætlanin kann eisini takast niður her...